Ағымдағы жылы «Нұр-Сұлтан қаласының аумағында автокөлік құралдарының экологиялық мониторингі» жобасы жүзеге аса бастады. Жылжымалы экопосттар жұмысының қорытындысы бойынша шілде айында автокөлік құралдарынан шығатын газдардың уыттылығын анықтау 2,7 мыңнан астам тесеру жұмыстары жүргізілген.
Осылайша, белгіленген нормативтерден асып кету 260-тан астам машинада анықталды, бұл барлық тексерілген автомобильдердің 9,9%-ын құрайды.
Барлық автомобильдер улы заттарды ауаға шығарады. Машинадан шығатын газдардың құрамы қозғалтқыш түріне, дизель немесе бензинге байланысты өзгереді, бірақ негізгі жиынтық өзгеріссіз қалады.
Қоршаған ортаға көміртегі (СО), азот (NО) оксидтері, күкіртті газ (ЅО2), альдегидтер, күйе (С), қорғасын (Pb) және басқа да заттар бөлінеді. Қазір дәл осы пайдаланылған газдар қаладағы ауаның ластануының басты себепші болып отыр.
Осылайша, жоба қорытындысы бойынша алынған деректерді талдау автокөліктің қаланың және оның тұрғындарының атмосфералық ауасына зиянды әсерін азайтуға бағытталған басқарушылық шешімдерді қабылдауға ықпал ететін болады.
Жобаны іске асыру 25 мыңға жуық автокөлік құралдарын қамти отырып, ағымдағы жылдың соңына дейін жоспарланған.
