Жыл басынан бері «ӘМСҚ» Нұр-Сұлтан қаласы бойынша филиалы медициналық мекемелерге тұрғындарға көрсеткен қызметтері үшін 26,4 млрд теңге төледі.
Бұл сома кепілдендірілген тегін медициналық көмек көлемі шеңберінде қызмет корсету туралы жалпы құны 88,2 млрд теңгеге бекітілген келісімшарттар сомасының шамамен 29,9%-ін құрайды. Төлемдердің ең үлкен үлесі стационарлық және стационаралмастырушы медициналық көмек (40,9 млрд. теңге), жоғары технологиялық медициналық қызметтерге (9,6 млрд. теңге) келеді.
Қазіргі таңда қалалық филиалдың медициналық қызметтерді жеткізушілер тізімінде 93 мекеме бар, олармен стационарлық көмек, алғашқы медициналық-санитарлық көмек, консультативті-диагностикалық көмек, жедел жәрдем, жоғары технологиялық медициналық қызметтер және тағы басқа қызмет түрлері бойынша 128 келісімшарт бекітілген.
Жеткізушілер тізіміндегі 58 медициналық ұйым – жекеменшік. Өткен жылмен салыстырғанда жекеменшік емханалардың саны тағы 10-ға артты. Барлық қызметтер тегін медициналық көмектің кепілдік берілген көлемі шеңберінде көрсетіледі. Астаналық жеткізушілердің толық тізімі Қордың fms.kz сайтында орналасқан.
«ӘМСҚ» КЕАҚ Нұр-Сұлтан қаласы бойынша филиалының директоры Н.Кабдықапаровтың айтуынша, медициналық ұйымдарға ақы төлеу кестеге сай жүріп жатыр. Бөлінген қаражат медициналық ұйымдардың операциялық шығындарын өтеуге, оның ішінде қызметкерлердің жалақысын төлеуге жеткілікті.
«Қор апта сайын стационарлық және стационаралмастырушы медициналық көмек көрсететін ұйымдардың қызметтерінің сапасына электронды басқару жүйесі арқылы мониторинг жүргізеді.
Сонымен қатар, ағымдағы жылдың екі айындағы сараптама қорытындысы бойынша көрсетілетін медициналық қызметтердің сапасы 161,8 млн. теңге сомасына 1 249 кемшіліктер жойылды.
Айта кетерлігі, мониторинг жүргізу халық арасында сұранысқа ие медициналық қызмет түрін анықтауға да мүмкіндік береді», – дейді Н. Қабдықапаров.
Медициналық қызметтерді пайдаланушылар тарапынан жеткізушінің қызметіне немесе көрсетілген қызмет сапасына қатысты арыз түскен жағдайда, филиал қызметкерлері жоспардан тыс мониторинг өткізеді.
Естеріңізге сала кетсек, медициналық сақтандыру Қоры тегін медициналық көмектің кепілдік берілген көлемі және міндетті әлеуметтік медициналық сақтандыру пакеттері және үкімет белгілеген шеңберде тұрғындар үшін қызметтерді сатып алушы қаржы операторы болып табылады.
